聖誕燈「熄」
2014-01-02 16:27:47

您地有幾耐冇試過一家人專程去睇聖誕燈飾?

喺7、80年代,華麗嘅聖誕燈飾主要集中喺中環一帶,其後延伸至灣仔、尖東,每逢聖誕,睇聖誕燈飾、湊熱鬧係一家大細必備嘅節日環節,男男女女都鍾意著住件靚衫五光十色嘅燈飾前影相,一齊鬥靚鬥省鏡…以前燈飾雖然無咩特別動感效果,同樣璀璨奪目,無需奢華,大眾市民簡單地就已經可以感受燈火輝煌、火樹銀花嘅聖誕氣氛! 繽紛動人嘅維港燈飾除左吸引,更有抖擻打氣作用,令大家對來年前境充滿希盼!

由簡單線條嘅雪花,花巧至聖誕老人飛天下海,白燈泡換為LED,再進化至動畫特效,香港聖誕燈飾經歷唔少變化,但維港兩岸燈飾卻明顯比以前遜色! 2013年,僅得19幢商廈有聖誕幕牆佈置,相比往年下跌三成幾! 睇燈飾嘅人每年遞減,連香港燈飾大王亦不禁概嘆,大集團賺到錢只顧袋袋平安,為省成本一切從簡,不願創新,令香港聖誕燈飾千篇一律,不再迷人; 適逢今年旅發局一反傳統,以3棵15米高蒲公英及巨型種子等藝術裝置取代火樹銀花嘅聖誕樹,中區嘅聖誕就更顯淍零,毫無節日氣氛可言! 昔日整街充滿色彩聖誕裝飾的攝人場面,恐怕要翻看舊相片才看得到!

話雖如此,各個大型商場嘅聖誕佈置就一年比一年進取,天馬行空、應有盡有,但呢種普天同慶嘅聖誕氣氛可能從踏出商場一刻就若有所失…香港聖誕喺不知不覺間,已經由大眾化維港睇燈飾,變成湧入商場血併嘅銷費活動…近年嘅聖誕燈飾,您又記得幾多個呢?