信箱儲物袋
2013-11-04 18:08:10

住係唐樓的朋友,相信對鐵皮信箱一定唔會陌生!  猶記得每次走過屋企門口,總希望打開信箱就係收到遠方親朋戚友的書信,去左外國讀書阿May、移民左去加拿大的表姨媽、傾左好多次計但仲未見過面的Pen Friend珊珊…果個四四方方的鐵皮信箱,外表雖然冷冰冰,但肚子裡竟然載住一個個窩心的回覆,令人打開信箱都有好似拆禮物咁興奮!

舊區重建,唐樓買少見少,由幢幢居高林下的私人屋苑取以代之,白鐵皮信箱也隨之漸漸消失於都市中; 加上識做鐵皮信箱的老師傅愈來愈少,昔日情懷,唔通一定要被時代進程而淘汰?Mall852打算將白鐵皮信箱由門口一個信箱帶入屋企,改造成居家儲物袋,袋的背面仲配有磁石,可以輕鬆貼雪櫃等傢俬擺設,收納水費單電費單就方便,再唔係,偶爾擺一封情書氹下老婆開心都一樣盞鬼!


信箱儲物袋將於12月公開發售! 大家密切留意!